Kakinada :ముంపు ప్రాంతాలను పరిశీలించిన ఎమ్మెల్యే పంతం నానాజీ...
కాకినాడ జిల్లా : కాకినాడ రూరల్ : ఫాస్ట్ రన్నర్ :
అర్నబ్‌ తుఫాను ప్రభావంతో గత మూడు రోజులుగా కురుస్తున్న భారీ వర్షాలకు కాకినాడ రూరల్ మండలం రమణయ్యపేట గ్రామ పరిధిలోని ఎఫ్‌సీఐ కాలనీ, జనచైతన్య కాలనీలు ముంపునకు గురయ్యాయి. ఈ నేపథ్యంలో కాకినాడ రూరల్ ఎమ్మెల్యే పంతం నానాజీ, కాకినాడ జాయింట్ కలెక్టర్ అపూర్వ భరత్‌తో కలిసి ముంపు ప్రాంతాల్లో పర్యటించి పరిస్థితిని పరిశీలించారు.
కాలనీల్లో ముంపు పరిస్థితిని, వరద నీటి ప్రవాహాన్ని అధికారులను అడిగి తెలుసుకున్నారు. వరద నీటిలో చిక్కుకున్న ప్రజలకు తక్షణమే ఆహారం, తాగునీరు అందించాలని అధికారులను ఆదేశించారు. అవసరమైతే పునరావాస కేంద్రాలను ఏర్పాటు చేసి ముంపు ప్రాంతాల ప్రజలను సురక్షిత ప్రాంతాలకు తరలించాలని సూచించారు.
ముంపు నీరు త్వరగా దిగిపోయేలా తక్షణ చర్యలు చేపట్టాలని సంబంధిత అధికారులను ఎమ్మెల్యే నానాజీ ఆదేశించారు. ప్రజలకు ఎలాంటి ఇబ్బందులు తలెత్తకుండా అధికారులు అప్రమత్తంగా ఉండాలని సూచించారు.
ఈ పర్యటనలో కూటమి నాయకులు తాటికాయల వీరబాబు (బుజ్జి), పలివెల త్రిమూర్తులు, రామిశెట్టి సునీల్, తోటకూర సతీష్, కుడుపూడి బాలాజీ, పంపన మహేష్, ముద్దూర్తి రోహిత్ కుమార్‌తో పాటు సంబంధిత అధికారులు పాల్గొన్నారు.
