Kakinada : జనతా వారధి బృందం ఆధ్వర్యంలో కలెక్టర్‌కు వినతిపత్రం సమర్పణ
కాకినాడ జిల్లా : కాకినాడ : ఫాస్ట్ రన్నర్ :
రాష్ట్రంలో క్రీడల అభివృద్ధి, విద్యార్థుల సమగ్ర వికాసం కోసం "ఆడుదాం ఆంధ్ర" ఆరోపణలపై సమగ్ర విచారణ జరిపించాలని, కేంద్ర క్రీడా నిధులను సమర్థవంతంగా వినియోగించాలని కోరుతూ సోమవారం జనతా వారధి బృందం కాకినాడ జిల్లా కలెక్టర్‌కు వినతిపత్రం సమర్పించింది.
జిల్లా అధ్యక్షులు బిక్కిన విశ్వేశ్వరావు ఆదేశాలు, రాష్ట్ర అధ్యక్షులు PVN మాధవ్ సూచనల మేరకు ప్రతినిధి బృందం కలెక్టర్‌ను కలసి పలు కీలక అంశాలను వినతిపత్రంలో పేర్కొంది.
ప్రధాన డిమాండ్లు :
క్రీడా మౌలిక వసతులు: ప్రతి పాఠశాలలో క్రీడా మైదానాలు, ఆధునిక మల్టీ-స్పోర్ట్స్ మౌలిక వసతులు కల్పించాలి. ప్రైవేట్ పాఠశాలల్లోనూ క్రీడలకు తగిన ప్రాధాన్యత నివ్వాలి.
క్రీడా విధానం అమలు: 'AP Sports Policy 2024-29'ని రాష్ట్రంలో సమర్థవంతంగా అమలు చేయాలి.
కేంద్ర నిధుల వినియోగం: కేంద్ర ప్రభుత్వం అందిస్తున్న క్రీడా నిధులను ఏపీలో సక్రమంగా, పారదర్శకంగా వినియోగించాలి.
అక్రమాలపై విచారణ: గతంలో నిర్వహించిన “ఆడుదాం ఆంధ్ర” కార్యక్రమంలో వచ్చిన అవినీతి, నిర్వహణా లోపాల ఆరోపణలపై సమగ్ర విచారణ జరిపించాలి.
క్రీడల వల్ల విద్యార్థుల్లో శారీరక, మానసిక వికాసంతో పాటు మానసిక పరిపక్వత పెరుగుతుందని, పాఠశాల స్థాయి నుంచే విద్యార్థులను ప్రోత్సహించేలా చర్యలు తీసుకోవాలని నాయకులు ఈ సందర్భంగా కలెక్టర్‌ను కోరారు.
పాల్గొన్న నాయకులు :
కార్యక్రమంలో జనతా వారధి కన్వీనర్ & ప్రధాన కార్యదర్శి దాట్ల కృష్ణ వర్మ, రాష్ట్ర అధికార ప్రతినిధి యార్లగడ్డ రామ్ కుమార్, SC మోర్చా జిల్లా అధ్యక్షులు & జనతా వారధి కో-కన్వీనర్ మారే బుజ్జి, OBC మోర్చా జిల్లా అధ్యక్షులు ఘంటసాల గోవిందరాజులు, యువ మోర్చా జిల్లా అధ్యక్షులు పార్థసారథి తదితరులు పాల్గొన్నారు.
